2 Perspektiven einer Kopfnuss
Sun 27. May 2007 - Sam - 
Ein Schlüsselerlebnis vor einigen Tagen brachte mich ins Nachdenken über die verschiedenen Perspektiven einer Nuss:
Eusi Fänschter glänzed vo Suuberkeit, wie de Porsche vo de Paris Hilton. Bin i de Stube gstande, am beobachte, wie en Bauschutt-Container – gmüetlich wie en Seeleu, wo sich is Wasser falle laht – vom Laschtwage abegrutscht isch uf de Platz vor eusem Huus. Plötzlich kracht en Tuube 1m vor mir is Fänschter. Si läbt no und flüügt mit em Kolleg widr wiiter. Was dänkt si ächt?
Oder eben die andere Perspektive:
Bin mit eme Kolleg am beobachte xi, wie en Bauschutt-Container müesam abeme Laschtwage klätteret isch. Chuum simmer drüber gfloge knallt’s mer plötzlich eis a d’Birre. Zwar flüüged mer wiiter, aber mis Läbe isch nüm gliich. D’Freud isch so wiit weg, wie de “Times Square” vom Rapperswiler Fischmarktplatz. Jedi Minute dänki dra: jetzt chönnts mer eis uf de Deckel zwacke. Usem heitere Himmel.
May 27th, 2007 19:55
Falls eines Tages die Mehrheit der Menschen in der Lage ist, so wie Du die Welt aus verschiedenen Perspektiven zu sehen, wird es endlich möglich sein, dass Völker und Kulturen einander mit Respekt begegnen.
Danke für diese Reise in andere Welten